CEBU - Dili momenos sa 50 ka riders ang mopakita sa ilang abilidad karong adlawa sa 3rd Sinulog Moped Bike Street Show ug sa 9th Sinulog BMX Showdown diha sa Cebu Grand Hotel grounds.
Dili sama sa nangaging mga kompetisyon, ang BMX event naglatid lang og usa ka kategoriya ubos sa freestyle competition.
Gipasiugdahan sa Team RPM (Real Pinoy Motorist) sa abag sa Cebu Grand Hotel ug sa Cebu BMX Riders Organization (CBRO), ang usa ka adlaw nga kompetisyon gipaluyohan sab sa Shell Advance, VIPER sports shoes, Newstar Motorcycle Parts Supply, Oz Racing, FKR@Surefire, Cycletimes, Dakay Construction, Inside Racing, Charles Racing, Type E Racing, Moto-Fix, Come In Motoparts, La Fortuna Bakery, X Racing, Pidot’s Cycle, DDM Motors, Drei Bikes ug BROS.
Ang mga riders kinsa napakyas sa pagparehistro og sayo ning pre-Sinulog event mahimo pang makaparehistro karong adlawa. Giawhag hinuon sila nga motunga og sayo sa binyu. (BANAT NEWS)