4th Sinulog Arnis Championships sa Paseo

CEBU - Usa ka non-stop stick-fighting showdown nga giulohan og 4th Sinulog Arnis Championships ang masaksihan karon diha sa Paseo sa Panagdait sa brgy. Mabolo, ning siyudad.

Gipaluyohan sa Paseo ug businessman-sportsman Jonathan ‘Atan’ Guardo, ang maong aksiyon magsilbeng kick-off leg sa kutay sa qualifying tournaments nga maoy motino sa morepresentar sa nasud alang sa 2010 World Eskrima Kali Arnis Federation (WEKAF) Championships didto sa Puerto Vallarta sa Mexico.

Mag-abot sa maong kompetisyon mao ang mga bantugang eskrimadors gikan sa Talamban, Labangon ug Lapu-Lapu nga makigsangka batok sa mga fighters gikan Tacurong, Sultan Kudarat, General Santos City, Davao ug sa Visayas region gikan sa Bayawan, Mabinay ug Dumaguete.

Ang National Capital Region (NCR) mopadala sab og delegasyon kortesiya sa ilang arnisadors gikan sa Philippine National Police (PNP) ug sa Armed Forces of the Philippines (AFP).

Ang usa ka adlaw nga showdown gipaluyohan sa WEKAF ug gitukod sa Doce Pares International pinaagi ni Supreme Grandmaster Dionisio ‘Dionnie’ Cañete ug WEKAF vice president Master Gerald Cañete.

Gawas sa forms (sayaw), laing mga kategoriya nga tigian mao ang single stick ug double stick.   (BANAT NEWS)