Diabet '94 midaog, Arthro '95 sugamak

Cebu - Ang Diabet '94 ug Arthro '95 nga parehong giagak sa Uniherb Philippines, misubay og managlahing dalan sa nagpadayong aksiyon sa University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus gym.

Nagkamang ang Diabet '94 sa pagsugod sa duwa, apan mibulhot kini sa ikaduhang kuwarter aron pagpukan sa 1-Utak '96 sa iskor nga 86-73, samtang ang Arthro mikulapso sa second half ug gilubong sa Batch 2004 sa iskor nga 59-76.

Ang Diabet nabiyaan og singko puntos human sa unang 10 minutos sa duwa, 30-35, apan mi-rally kini sa sunod nga kuwarter aron pag-ilog sa labaw sa halftime, 53-49.

Human sa breaktime, ang Diabet mipabuhagay sa ilang opensiba aron inaton ang labaw ngadto sa otso puntos, 71-63 sa pagsugod sa final quarter.

Sa sayo pa, ang Arthro nakapakita lang sa ilang maayong labok sa unang kuwarter dihang nakatabla kini, 20-all.

Sukad niadto, gidominar na sa Batch 2004 ang duwa ug gitapos ang first half sa iskor nga 41-36. Ang Batch 2004 padayong mipatuasik sa ilang opensa hinungdan nga nainat og maayo ang labaw, 60-47 sa katapusang 10 minutos sa duwa.

Ang USCBHABA gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Heartvit, Kidneycare, Diabet ug Eyeberry.

Ang mga duwa makita sab sa Guardo TV Channel 6.

Puntos Matag Usa

Unang duwa:

Batch 2004 (76) – Sabala 11, Mayol 11, Andone 10, Lazo 9, Ompad 8, Ruiz 8, Dicdican 6, Buenaventura 6, De los Reyes 3, Hubahib 2

Arthro (59) – Mata 16, Tumakay 14, Bugtai 11, Solon 9, Del Rosario 8, Cenas 6

 Ikaduhang duwa:

Diabet (86) – Cabrera 20, Canares 16, Lu 14, Velayo 7, Seno 6, Medija 6, Arnoco 2

1-Utak (73) – Boniel 12, Barbarona 11, Lerio 10, Mulchandani 8, Navia 7, Polo 5, Balangan 3, Taborada 3, Espinosa 3, Abinodo 1. - Yoyo R. Abayan (BANAT NEWS)