77th anniversary sa Doce Pares saulogon karon

Cebu - Si acting Cebu City Mayor Michael L. Rama maoy pinasidunggang dinapit ug ingon man usab inducting officer sa induction ceremony sa mga opisyales sa Cacoy Doce Pares World Eskrima Federation kinsa napili pinaagi sa status quo niadtong Disyembre 30 didto sa ilang headquarters sa dalan C. Padilla, ning siyudad.

Ang yanong seremonyas natukma sab sa ika-77th founding anniversary sa Doce Pares nga gimugna sa managsuong Cañete niadtong 1932.

Ang 89-anyos nga Grandmaster nga si Ciriaco 'Cacoy' Cañete nagpabilin isip presidente sud na sa 20 ka tuig gikan sa iyang paghulip sa namatay niyang igsuon nga si Eulogio 'Yoling' Cañete niadtong 1989. Si Yoling” Cañete maoy unang president-for-life sa Doce Pares.

Ang ubang mga opisyales sa miaging tuig nagpabilin sab sa ilang tagsa-tagsa ka puwesto.

Sila mao ang first vice-president   Atty. Amorito Cañete (1st vice president), Dennis Cañete (2nd vice president), Atty. Bienvenido Jaban (secretary), Ben Gonzales (treasurer), Omar Paolo (auditor), press-relations officers Gloria Cañete, Lucio Cañete, Bobby Inoferio sa SCOOP-CCTN, Ramil Ayuman sa ABS-CBN, operations director Chuck Cañete ug training director John Mac.

Ang mga board members mao sila si sensie Max Tian, Noli Nacua, Bernadette Tormis, Sol Kalinga, Raul Bunalos, Levi Mejorado, Rolando silao, Glenn Cañete, Dante Arcilla, Jr, Rey Fajardo, Melchor 'Choy' dela Sala, Diony Tejadello, Felix Ybañez, Rafael Menoza ug si Miguel Osmeña, ang anak ni Cebu City Mayor Tomas R. Osmeña.

Ang mga legal advisers mao sila si retired RTC Judge Epifanio Llanos ug Atty. Vicente Fernandez II, samtang ang mga spiritual advisers mao sila si Nonito 'Dodong' Limchua, ang presidente sa INTV-CCTN Channel 47, Rev. Fr. Isaiah Gerali ug si Rev. Aloysius Alojipan. – BANAT NEWS