Donaire-Montiel fight dili madayon

Cebu - Gipahibalo ni Top Rank Inc. big boss Bob Arum nga dili na matigayon ang away ni IBF/IBO flyweight champion Nonito 'The Filipino Flash' Donaire, kinsa makigbinukbukay unta batok ni WBO super flyweight titlist Fernando Montiel karong Marso 15 didto sa Araneta Coliseum.

Atol sa interview sa insidesports.ph gikan didto sa Las Vegas, ang Amerikanong promoter nagkanayon nga gikanselar na nila ang away ni Montiel ug Donaire. Matud pa ni Arum nga hulipan nila si Montiel tungod kay matud pa milapas sa weight limit.

Ang Puerto Rican knockout artist nga si Jose 'Carita' Lopez maoy gihulip ni Montiel isip bag-ong kontra ni Donaire.

Si Lopez nagkupot og record nga 38-7-2, 32 KOs.

Sa iyang bahin, human mapakyas pagkuha sa weight limit, si Montiel gimandoan ni Arum nga moharong ni Erik Morel, kinsa mao ang mandatory challenger ni Gerry Peñalosa.

Tungod sa maong kausaban, si Peñalosa giparang karon ni undefeated WBO 122 pound champion Juan Manuel Lopez, kinsa dugay nang gihagit sa Pinoy'ng kampiyon.

Midugang si Arum nga mopakita gihapon si Montiel og aksiyon karong Marso didto sa Araneta. – BANAT NEWS