Cebu - Labing menos 25 ka teams ang magsangka sa 2009 Sinulog Open Team Chess Tournament nga moulbo karong buntag diha sa Elizabeth Mall Activity Center.
Matag koponan langkuban og labing daghan lima ka players.
Bisa'g usa kini ka open tournament, ang organizing Cebu Executives and Professionals Chess Association, Inc. (CEPCA) buot nga balanse ang maong kompetisyon diin gikatag ang mga bantugang magduduwa.
Mga banggiitang Sugbuanong magduduwa kinsa mangulo sa ilang tagsa-tagsa ka koponan naglakip nilang Erwin Ababat, Francisco Abugho, Leonardo Balquin, Arnold Cadiz, Eden Diano, Rogelio Enriquez, Anthony Makinano, Mario Mangubat, Carlos Moreno III, Richard Natividad, Glen Pardillo, Ramsey Pedroza, Allan Salientes, Voltaire Sevillano, Elmer Sumangat, Bonn Tibod, Christopher Tubalado, Ceferino Vizco ug Kim Steven Yap.
Ang torneyo mosubay og 7-round Swiss system format. – BANAT NEWS