Andam na ang tanan sa 1st Osky Mabilog Swimfest

CEBU – Mahitabo na ang gikaintapang 1st Osky Mabilog Memorial Cup National Age Group Swimming Competition karong Pebrero 21-22 didto sa Cebu City Sports Center.

Ang maong swimming event nga gipasinungod sa founder sa Cebu Blue Marlin Swimming Club nga si Oscar Mabilog kinsa mao ang nagpasiugda sa Swim Againts Drug project, nga unang gitukod sa Cebu City Office for Substance Abuse Prevention (COSAP).

Si Mabilog migamit sa swimming isip usa sa mga sports nga mopahilayo sa mga kabatan-onan batok sa mga illegal nga drugas.

Ang maong swimming competition gibahin sa pito ka age group levels – boys and girls 18 above, 15-17, 13-14, 11-12, 9-10, 7-8 ug Under 6 years old category. Giimbitahan usab ang mga swimmers gikan sa uban pang dapit sa Visayas ug Mindanao aron pagsalmut sa maong event.

“We envision this project to be annual event in order to promote and propagate the values of good sportsmanship, friendship, and solidarity,” matud pa ni Cebu Marlins president Lynn Navarro.

Ang maong swimming event gisuportahan sa Cebu City government uban sa pakigtambayayong sa Cebu City Sports Center (CCSC). Sa mga interesadong mo-apil pwede kamong mo-contact ni Lynn Navarro sa numero 2671317 o 09189026862, Coach Lando Alvarez sa numero 09265545138 ug ni Betcahy Vega sa numero 09228118767. – BANAT NEWS