Duwa sa GAA mobalik na sab karong adlawa

CEBU – Human sa taud-taud nga bakasyon, mobalik na sab ang torneyo sa Guadalupe Athletic Association (GAA) diin adunay ipahigayon nga upat ka duwa karong adlawa dido sa Guadalupe Sports Complex.

Ang Cebu Movers System ni playing coach Boy Te mao na lang karo’y wala pay pilde sulod sa upat ka duwa apan wala sila’y duwa karong adlawa. Sunod semana, maoy tinguha sa Cebu movers nga mohakot sa ilang ika-21 nga winning streak nga nahimo karong usa ka record sa torneyo sa GAA.

Sa unang duwa karong adlawa nga magdusog sa ala-una sa hapon, mag-abot ang Evan Hulga Hardware batok sa Pecus Stallions.

Mosunod dayon ang duwa tali sa MGR Construction batok sa Swan ug sa ikatulong duwa, magsangka ang G &S International bvatok sa AC Sports.

Sa kataposang duwa, magtigi ang Agencia Grande ug ang Pan Borikat kung kinsa kanila ang molahutay alang ngadoto sa second round.

Sa laing bahin, mobalik na sab karong Miyerkoles ang torneyo sa Bureau of Custom nga gitawag ug 14th Collector’s Cup ubos sa pagdumala ni District Collector Ricardo Belmote.

Ang Amancia Brokers mao karo’y nag-una sa 35 years old below division samtang ang Collector’s Office maoy nag-una sa 35 years above category ug ang ubang mga teams pulos na nakatilaw ug kapildehan.

Wala pa hibaw-i kung kinsay magdwua karong Miyerkoles kay adto himoon ang bunotay sa Vicente Sotto gym sa barangay Punta Princesa, ning dakbayan. (Gabby G. Malagar) (BANAT NEWS)