CEBU - Naghinamhinam na ang mga Sugbuanong mahiligon sa football alang sa Don Bosco Festival karong Enero 10 didto sa Don Bosco College, Brgy. Punta Princesa.
Lakip sa mga aktibidadis nga pasiugdahan sa Don Bosco mao ang football competition nga mudagan og usa ka semana. Ang maong football tournament gibahin ngadto sa men’s open, alang sa mga 36-39 anyos, 40 pataas ug girls division.
Giplanohan usab sa organizer ang paglangkub sa boys 10 and 14 age classification.
Kung mahuman ang renovation sa football field sa maong tunghaan, usa ka 9-aside, 11-aside ug 7-aside competition alang sa girls division maoy mga category nga madungag.
“Hopefully we can finalize everything within this week. We have to get the consensus of all interested parties. There’s still another ongoing tournament so we have to adjust with our schedule if necessary,” matud pa ni Don Bosco football coach Glenn Ramos. (Lemuel P. Maglinte) (BANAT NEWS)