Rematch sa Lakers ug Boston misaka'g 5.3 porsiyento

CEBU – Ang pagbagat tali sa Los Angeles Lakers ug Boston Celtics kaniadtong adlaw sa Pasko, gi-angkon nga maoy kinatas-an nga ratings sulod na sa milabay’ng upat ka tuig.

Ang revenue o kita sa ABC network sa ilang fast national rating, misaka ngadto sa 5.3 porsiyento ug mas taas og 51 porsiyento sa miaging tuig diin nagsangka ang Lakers batok sa Phoenix Suns nga may 3.5 porsiyento lang ang kita.

Daghang nag-atang sa maong duwa tungod kay ang Lakers naghuwat og kapin sa unom ka buwan aron makabawos ngadto sa Celtics kinsa maoy midaug sa korona sa NBA kaniadtong Hunyo.

Midaug ang Lakers didto sa ilang balwarte sa Staples Center sa miaging Disyembre 25 sa iskor 92-83.

Ang duwa tali sa San Antonio Spurs batok sa Suns nakadawat sab og 3.2 household rating nga misaka og tres porsiyento kung itandi sa miaging tuig. (GGM) (BANAT NEWS)