CEBU – Gilampaso sa Heartvit ‘93 ang AWC ’91 sa iskor nga 84-76 sa pagpadayon sa 2008 University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus Gym.
Si Leon Floro “Bong” Eleazar mipabuhagay og 21 puntos alang sa Heartvit kinsa ni-agi una og malisud nga dalan una pa nila hingpit nga biyaan ang AWC.
Ang 21 puntos nga biya sa first quarter maoy nakapaaghat sa team manager ug konsehal sa Brgy. Tisa Jeson L. Guardo nga mubahog og maayo aron malangkat ang 6 puntos nga labaw 69-63 sa nahibiling 10 minutos sa duwa.
Wala magpaalkanse ang AWC pinaagi sa pagsumbalik og mga puntos, apan ang mga mainstay sa Heartvit nagpabiling lig-on aron hingpit nga masakmit ang daog.
Ang 2008 USCBHABA, gipangulohan sa Uniherb Philippines, tigama sa Arthro, Heartvit, Kidneycare, Diabet, ug Eyeberry.
Puntos matag usa:
Heartvit (84) - Eleazar 21, Toledo 13, Sevilla 12, Colinares 12, Banaag 8, Nunes 6, Kimaco 5, Soon 5, Vargas 4
AWC (76) - Toledo 29, Salgado 17, Jacobe 17, Villagonzalo 8, Batidor 3, Abelgas 2
Quarterscores:21-21, 45-44, 69-63, 84-76. (Lemuel P. Maglinte) (BANAT NEWS)