Cebu - Pulos nikulit og daog ang defending champions Lapu-Lapu ug Liloan dihang ilang gipukan ang tagsa-tagsa nila ka mga kaatbang aron mo-abante sa finals sa nagpadayong Cebu Volleyball Association (CEVA)- 4th Governor Gwen Garcia Unity Volleyball (GUV) Cup for Women niadtong miaging adlaw didto sa Cebu International Convention Center.
Ang Lapu-Lapu sayun ra kaayong nilampornas sa Toledo sa iskor nga, 25-16, 25-17, 25-21 aron malangkat ang ikaduhang kampiyonato alang sa City Cluster. Nisuway pa og sukol ang Toledo sa maong duwa, apan gipakita sa Lapu-Lapu ang ilang kabangis aron pugngan ang ilang atake.
Bisan pa og wala makatarung og duwa ang RP Team member Jusabelle Brillo tungod sa left knee injury niini, ang iyang mga teammates nipakita og maayong labok aron haw-ason ang Lapu-Lapu sa kadaugan. Sa opening set, ang Lapu-Lapu miratsada og 5-0 aron pagposte og 18-12 nga labaw,
Sa Municipal Cluster, ang Liloan nagkaduol na sa paglangkat sa back-to back titles dihang ilang gilampaso ang Sta.Fe, Bantayan Island, 25-17, 25-12, 25-17. Sama sa Lapu-Lapu, ang Liloan nipakita usab sa ilang nindot nga team work aron malangkat ang kalampusan. - Lemuel P. Maglinte (BANAT NEWS)