Cebu - Nadesisyonan ni Top Rank promotion Big boss Bob Arum nga sa Mayo 2 sa sunod tuig ang petsa sa gikaintapang panagbangga ni Pinoy boxing icon Manny “Pacman”Pacquiao kontrasa British champion Ricky “Hitman” Hatton didto sa Las Vegas.
Ang Amerikanong promoter kinsa niabot kagahapon mi-asuy sa insidesports.ph nga gusto niya ang buwan sa Mayo mao ang panahon nga mo-away og balik si Pacquiao human niya gipahunong ang legendary boxing icon Oscar “Golden Boy” De la Hoya niadtong Disyebre 6 didto sa MGM Grand Garden Arena sa Las Vegas.
Apan gitino ni Arum nga atol sa panagsabot nila ni Pacman atol sa birthday niini nga nag-agad gihapon siya ni Pacquiao kung makauyon ba kini sa iyang gitanyag nga petsa.
Hugot ang pagtuo ni Arum nga madayon ang maong away, giklaro usab niya nga dili kini ipahigayon didto sa Wembley, England nga mao ang lugar ni Hatton.
Sama sa mga miaging away si Pacquiao makigsangka ni Hatton didto sa boxing capital sa kalibutan nga mao ang Las Vegas. - Arnie P. Atuel (BANAT NEWS)