Cebu - Kon atong sumahon, daghan kaayong tips nga atong ikarekomendar ngadto sa mga bilyarista nga gustong mopalambo sa ilang abilidad sa pagbakyaw sa tako apan dili ang tanan mohaom sa tagsatagsa nila ka estilo sa pagdula.
Adunay duha ka sekreto sa epektibong pagdula ug kini giisip ko nga batakang tinagoan sa masangpotong tayada.
“The two secrets of playing proper position are memory and speed control,” nagkanayon ang librong Billiards: The Official Rules and Regulation Book.
Ang memorya mao ang katakos sa pagtimaan ug pagsilsil sa alimpatakan sa unsa man anga makat-onan sa magdudula pinaagi sa pagbansay ug aktuwal nga pagdula. Importante kaayo ang pagpalantip sa memorya sa usa ka bilyarista kon maoy tuyo ang paglambo sa nahuptang abilidad.
Sa laing bahin, ang speed control usa sa labing mahinungdanon disiplina nga angay i-apply sa magdudula sa iyang kaugalingon. Ang magdudula nga kulang sa kahibalo sa speed control maglisod sa pagsubay sa gihan-ay niyang preparasyon. Pinaagi sa speed control, ang magdudula makahimo sa pagtira nga ang bolamano mopahimutang sa dapit ibabaw sa billiard table diin may opening siya alang sa sunod nga tayada. Ug daghan pang laing oportunidad.
Busa angay gyod ugmaron sa magdudula ang iyang memory ug speed control aron mosamot ang iyang kahanas sa pagbakyaw sa iyang tako ug dili siya maasi-asi pagpukan sa iyangf kaatbang atol sa usa ka match play. Angay hinumduman nga ang padayon nga pagpalambo sa abilidad makatabang aron mas mohugot ang kampanya sa magdudula sa higayon nga mosalmot siya sa usa ka torneyo.
* * *
MAGBILYAR TA TEXTMATE PORTION: 0919-328674, 0910-4235994, 0929-6476507 (Jayr, Opon), 0907-4177201 (Butbut), 0909-6590991, 0909-4634442, 0923-6234210, 0928-2792735, 0918-7326455, 0929-6432456, 0908-2324838, 0917-2760821, 0906-8893503 ug 0909-6218790. Text na!
(Mga sugyot ug pakisayod? Text sa 0910-8105522) — Uriel Cruz Vallecera (BANAT NEWS)