ACT, SCSIT daog sa VAAA

Cebu - Giligsan sa Asian College of Technology (ACT) Cyber Knights ang Bohol Institute of Technology-International College (BIT-IC) Cruisers, 105-87 sa ilang sangka sa 3rd Visayas Amateur Athletic Association (VAAA) men’s basketball tournament didto sa Calape Sports Center sa Calape, Bohol.

Ang Cyber Knights ni coach Tata Merced, nipahiluna sa karon sa unang dapit sa standing sa ilang 2-0 win-loss nga baraha.

Sikit pa ang duwa sa pagsugod sa first-half, apan kalit lang niratsada ang Knights pinaagi sa ilang 22-11 rally sa second quarter aron pagtukod og 54-40 labaw sa halftime.Gikan didto wala na molingi pa ang Knights og hingpit na niining gilubong ang Cruisers.

Sa first game, nakabawi ang Salazar Colleges of Science and Institute of Technology (SCSIT) Skyblazers gikan sa ilang katapusang kapildehan dihang ilang gisilhig ang University of Bohol (UB) sa iskor nga 109-62.

Gilubong na daan sa Skyblazers ang ilang kontra sa first half pinaagi sa 40-28 nga biya, giusban nila kini sa third quarter dihang miiskor sila og 27-18.

Bisan paman sa dakong labaw, wala gihapon muhunong ang mga Sugbuanon dihang mipaulan na usab kini og mga puntos alang sa 67-46 padulong ngadto sa katapusang 10 minutos sa duwa.

Puntos matag usa:

First game

SCSIT (109) - De la Vega 25, Maurillo 20, Amarado 13, Tampus 12, Aribal 8, Leamedo 7, Aleguno 7, S. Bigno 6, Bigno 4, Rabaya 4, Tumulak 3

UB (62) - Quibol 17, Morallas 15, Luminaras 11, Quibir 10, Daigan 8, Quibol 7, Gabales 6, Lambagay 4, Pacatang 1

Quarterscores:25-14, 40-28, 67-46, 109-62

Second game

ACT (105) - Aparice 25, Batiancila 14, Doy 14, Valencia 12, Nuñez 10, Vistal 10, Paraguya 9, Cadiz 4, Suico 3, Reyes 2, Pontimayor 2

BIT-IC (87) - Lusdoc 35, Guillena 22, Lumasag 8, Biwang 8, Mevrom 6,Cruzado 6, Tiguelo 2

Quarterscores:32-29, 54-40, 79-64, 105-87. — Lemuel P. Maglinte (BANAT NEWS)