Harbour Centre vs Toyota Otis
Nagwakas ang seven-game winning streak ng five-time champions Harbour Centre at napigil naman ang three-game winning run ng Toyota Otis.
Mula sa nasabing mga kabiguan, inaasahang magiging mainit ang pagtatagpo ng Batang Pier ni Jorge Gallent at Sparks ni Ariel Vanguardia ngayong alas-2 ng hapon sa second round ng 2009 PBL PG Flex Linoleum Cup sa Letran Gym sa Intramuros, Manila.
Magsasalpukan naman sa alas-4 ang Ever Bilena at ang Smart Buddy-University of the Philippines sa Game One ng kanilang best-of-three championship series para sa 2008 Women’s PBL.
“We beat them twice, so I’m sure they’re aching to get back on us. So I expect another close game.. But we’ll be ready,” wika ni Gandang Pinay mentor Patrick Aquino sa Lady Maroons.
Hawak pa rin ng Harbour Centre ang pamumuno sa likod ng kanilang 7-1 kartada sa itaas ng Magnolia Purewater (6-2), Hapee Toothpaste (4-4), Bacchus Energy Drink (4-4), Burger King (3-5), Toyota Otis (3-4) at Pharex (1-7).
Nanggaling ang Batang Pier sa isang 74-78 pagkatalo sa Generix noong Huwebes, habang isang 66-72 kabiguan naman ang nalasap ng Sparks sa Complete Protectors.
“If we play solid defense right from the very start, then we have a good chance. For us, if we play solid defense, then I’m sure we will have a good offense,” sabi ni Gallent sa kanyang Harbour Centre na nagpayukod sa Toyota Otis sa first round, 98-93.
Pangungunahan nina Edwin Asoro, Reed Juntilla, Reil Cervantes, Boyet Bautista at Benedict Fernandez ang Batang Pier kontra kina JV Casio, RJ Jazul, Erick Rodriguez, James Sena at rookie James Mangahas ng Sparks. (Russell Cadayona)
- Latest
- Trending
