Si Fr. Vic Uy, SVD

Cebu - Unsay mahimo sa atong mga dagkung lider diha sa Philippine Olympic Committee (POC) ug ingon man diha sa Philippine Sports Commission (PSC) diin usa siya sa mga natudlong commissioners, mahimo sab ni Fr. Vic.

Kung maantigo sila kalabot sa sports management o disbursing of funds, mao kana’y kinaon ni Fr. Vic nga ato usahay tawgon ug PADS. Apan nakaseguro ako nga aduna’y mahimo si Fr. Vic nga bisa’g unsaon dili gyud mahimo sa uban bisan pa ang presidente sa International Olympic Committee ug kini may lain mao ang pagpahigayon sa “Eukatistiya” o santos nga “misa” kay lagi siya usa man ka alagad sa Diyos.

Busa, wala ako mahikurat dihang nakabasa ako sa pamantalaan nga buot ni PSC chairman Wiliam “Butch” Ramirez nga si Fr. Vic maoy iyang ituboy nga mopuli kaniya kung siya moretiro na. Hinuon, makurta ako kung dili madayon pagkatudlo sa maong pwesto ug kung madayon siya pagka PSC chairman, maglusko-lukso tingali ako sa kalipay sa labing unang higayon sa kasaysayan sa PSC, Sugboanon maoy chairman— usa ka lider nga kasaligan ug ligdong nga tawo.

Wala na ako mahinumdum kung kanus-a kami magkaila ni Fr. Vic apan nakaseguro ako nga tungod sa basketball, nagkaila kami ni Fr. Vic ug mata’g kita namo bisan asa nga suok sa USC gym o bisan asa, dili gyud mahitabo nga dili motimbaya si Fr. Vic kanako ug ang una niyang ipangutana kung officer ba pa gihapon ako sa PTA o sa PTCA?

Kaluoy sa Diyos permanente gyud intawon Pads.Kapoy na unta apan mo-ingon man ang mga maestra nga kung mosuportar ka sa imong anak, imo sang suportahan ang PTCA. Na hala, OK lang gihapon.

* * *

Kagahapon, Disyembre 14, nagsaulog kami sa among USC-South Campus PTCA, Inc. Familly Day ug didto akong gipadayag nga nalipay ang maong unibersidad sa pwesto nga na-angkon ni Fr. vic diha sa PSC.

Isip chairman sa PTCA sports committee, ang inyong alagad sa SPORTSgab, mihatag ug Plaque of Recognition ngadto kang Fr. Vic. Tungod kay siya man ang kanhi vice-president for finance sa Unviersity of San Carlos, wala balibari ni Fr. Vic ang akong imbetasyon. Salamat Pads.

Ang among mga kalihokan sa PTCA gipaluyohan sa among presidente nga si Dr. Hermes Ibon ug sa South Campus principal nga si Mrs. Corazon P. Sasing ug ingon man sa tanang mga board members, homeroom presidents, faculty members ug tanan gyud mga ginikanan.

Padayon pa ang among PTCA basketball tournament ug unya pa sa Pebrero himoon ang championship game atol sa elementary PTA Family Day didto sa covered court nga mahimo na unyang rubberized tungod kay among gigahinan ug budget ang maong proyekto.

* * *

Karong uma-abot nga Disyembre 22-23, adunna’y ipahigayon nga Community Outreach Children’s Games alang niadtong mga bata nga nag-edad ug 12 anyos nga gikan sa mga nagkadaiyang barangay dinhe sa Sugbo.

Ang tumong niining maong proyekto mao ang pagplambo sa grassroots sports ug kini gimugni ni Fr. Vic kinsa maoy guest spekaer unya sa opening diha sa Cebu City Sports Center.

Ang mga events sa maong kalihokan mao ang athletics, basketball, volleyball, badminton, chess ug table tennis.

Ang nagpaluyo ni Fr. Vic ning maong kalihokan mao sila si Danny Villadolid, Johnson Jao Jr., Audie Marte ug Lerma Benauro nga pulos anaa mag-opisina sa PSC-Region 7.

SG Miscellaneous. Belated birthday greetings to my wife Gingging last December 12. It was also the same day when we, the members of The Freeman/PhilStar family held our Christmas party at the Waterfront Hotel in Lahug which I failed to attend. It is fun being in The Freeman not just during Christmas and thanks to the Gullas and the Belmonte families. More power to all of you and God Bless. - Gabby G. Malagar (BANAT NEWS)