Cebu - Gitino sa SkyCable television nga nakatampo og daku ang ilang cable company sa $70 million o 3.5 billion kita sa pay-pwer-view sa “Dream Match” tali ni Manny “Pacman” Pacquiao ug Oscar “Golden Boy” De la Hoya niadtong Disyembre 6 didto sa MGM Grand Garden Arena sa Las Vegas.
Matud pa sa Area Director for Visayas sa Pilipino Cable, Ronnie Pacio nga misaka ngadto sa 80 porsiyento ilang mga subscribers nga maoy nakahatag kanila og dako nga revenue, wala hinuon gibutyag ni Pacio ang insaktong kantidad sa ilang kita.
Gi-asuy ni Pacio nga ang pay-per-view subscription sa mga restaurant, bars, hotels ug sa mga residential subscribers maoy nakadako sa ilang revenue.Dugang pa niya nga gidoble sa Pacquiao-De la Hoya match ang kita sa PPV sa Pacquiao-Diaz bout. - Lemuel P. Maglinte (BANAT NEWS)