Roach gusto mo-train ni Donaire

Cebu - Ang garbo sa ALA Boxing Gym nga si IBF/IBO flyweight champion Nonito “The Filipino Flash” Donaire gipunting karon ni Coach Freddie Roach og plano kining mo-train sa Pinoy nga gikatakdang mo-away batok ni WBO super flyweight champion Fernando Montiel karong Marso.

Kini maoy gibutyag ni promoter Bob Arum sa usa ka overseas telephone conversation sa www.insidesports.com niadtong miaging adlaw human usab mibuto ang balita nga ang amahan ni Donaire nga si Nonito Sr. dili na motrain sa Filipino southpaw.

Matud ni Arum nga si Donaire karon ang ilang nakit-ang sumosunod ni Filipino ring idol Manny “Pacman” Pacquiao apan dili siya makaseguro kon mabuhat sa Pinoy ang pagsunod sa lakang ni Pacquiao.

“I don’t know whether he can step up,” matud ni Arum.

Sa laing bahin mipabuhagay si Arum nga wala pay klaro kon makuha pagbalik ni Brian Viloria ang world title sa flyweight division karon didto sa California hinuon midaog kini sa katapusang upat ka away human sa paet niining kaparutan batok ni Mexican Edgar Sosa pinaagi sa majority decision sa giilogang WBC light flyweight title.

Wala gitino ni Arum kun madayon ba ang Solar Sports sa pagcover sa blockbuster double-header title card didto sa Araneta nga bidahan ni Donaire vs. Montiel ug Viloria vs. Ulises Solis. - Arnie P. Atuel (BANAT NEWS)