Cebu - Sugdan karon ang kumbati tali sa walo ka amateur college team dinhi sa Visayas sa gikaintapang 3rd season sa Visayas Amateur Atheletic Association (VAAA) men’s basketball tournament didto sa Calape Sports Center sa Calape, Bohol.
Ang torneyo nga buksan sa usa ka opening ceremony gitakda sa alas-5 sa hapon uban ang VAAA founder ug legendary Cebuano coach Raul “Yayoy” D. Alcoseba.
Sa pasiunang duwa sa alas-5:30 sa hapon, mag-abot ang dalan sa University of Bohol (UB) batok sa Asian College of Technology (ACT) Cyber Knights, samtang ang Bohol Institute of Technology-International College (BIT-IC) Cruisers makigsangka kontra sa Salazar College of Sciences and Institute of Technology (SCSIT) Skyblazers sa main game nga sugdan sa alas-7:30 sa gabii.
Ang mga koponan nga mopakita og aksiyon sa mga mosunod nga duwa naglangkub sa Western Leyte College (WLC) Mustangs ug AMA Computer Institute pulos gikan sa Ormoc City, Asian College of Science and Technology (ACSAT) Lightnings ug Foundation University (FU) Greyhounds sa Dumaguete City.
Ang maong torneyo gisuportahan sa Samahang Basketbolista ng Pilipinas (SBP) uban ang M.Lhullier Kwarta Padala ug Smart Communications. - Lemuel P.. Maglinte (BANAT NEWS)