UTASSCO kampiyon sa Power 40

CEBU - Gipaila sa UTASSCO Utility nga sila maoy mas angayan nga maka-angkon sa korona tungod kay human nila mapakgang ang Hero Commando Pistols sa miaging semana, ila na usab kining gi-usban og lampaso pinaagi sa iskor, 82-68 aron mahimong kampiyon sa ikaduhang higayon sa Power Forty Christmas League basketball tournament didto sa Inayawan Sports Complex kaniadtong Martes sa gabii.

Ang UTASSCO nga gipangulohan ni Atty. Flor Yosores mao sab ang kampiyon pipila na ka tuig ang milabay. Ilang dawaton ang kantidad nga P7,000 cash ug tropeyo unya sa Disyembre 30 atol sa ilang awarding ceremony ug Christmas party.

Si Atty. Yosores mitampo og 16 puntos alang sa UTASSCO apan sila si Wilbor Cabrera ug Jun Nacional nagkumboya ug 41 puntos alang sa opensa sa UTASSCO diin 21 puntos ang nahimo ni Cabrera ug 20 ang nahipos ni Nacional samtang laing 12 puntos ang natampo ni Alex Mercado.

Ang konsehal sa Cogon, Pardo nga si Jojo Ibones maoy nangu sa Hero Commando sa iyang 14 puntos.

Sa engkwentro alang sa ikatulong pwesto, midaug ang Christine Traders batok sa Park ‘N Go Bakeshop sa iskor, 86-76.

Ang UTASSCO ug ang Christine parehong naka-1-1 kaniadtong miaging semana aron paglugway sa best-of-three series ngadto sa rubbermatch.

Si Joey Escalon mibugha ug 29 puntos og mihagdaw og 19 puntos si Edwin Dejacto aron pagtimon sa Christine samtang si Michael Arias maoy nangu sa Commando apan napugngan siya ngadto lang sa 14 puntos ug layo sa iyang average nga kapin sa 20 puntos matag duwa.

Ang Commando makadawat og P5,000 cash ug tropeyo samtang ang Christine adunay P3,000 nga ganting cash ingon man sab tropeyo.

Nagtambayayong ang mga sponsors alang sa ganting cash nga naglakip kanila ni Atty. Yosores, Engr. Felix Gabiana, Power Forty president Vez Eleguin, konsehal Ibones ug Romy Rama, ang tag-iya sa Amihan Bags.

Puntos kada usa:

First Game:(For 3rd place)

Christine (86)— Escalon 29, Dejacto 19, Dela Rama 12, Dacalos 12, Dumale 8, Eleguin 6

Park ‘N Go (76)–Arias 14, Rama 12,

Second Game: (Championship)

UTASSCO (82)— Cabrera 21, Nacional 20, Yosores 16, Mercado 12, Mabalcon 9, Labajo 4

Hero Commando (68)— Ibones 14, Cabañero 12, Javierto 12, Lalican 10, Rosal 8, Abarquez 6, Abadejos 4, Nacional 2. - Gabby G. Malagar (BANAT NEWS)