Mayweather Jr. gustong mo-away ni Pacman
CEBU - Nagkanayon ang mga suod nga paryente ni Floyd Mayweather Jr. nga gusto sa kanhi pound-for pound king nga mohaw-as gikan sa retirement aron makig-away sa Filipino boxing hero Manny “Pacman” Pacquiao.
Ang amahan ni Mayweather nga si Floyd Sr. ni-asuy sa Grand Rapids Press nga nagpanikad karon ang iyang anak nga makig-away ni Pacquiao human kini makasaksi sa gibuhat niini ni De la Hoya niadtong Domingo didto sa Las Vegas.
Nagplano karon ang pamilya ni Floyd Mayweather nga magtinabangay aron pangandaman ang ilang pakig-away ni Pacquiao.
“I always said he was going to fight again,” matud pa sa apohan ni Floyd nga si Bernice Mayweather. “It was just a matter of time. He was waiting until the time is right. And the time is right. I knew he was going to come out of retirement — he did it before, didn’t he?” dugang pa niya. - Lemuel P. Maglinte (BANAT NEWS)
- Latest
- Trending
