Pacquiao andam na ni Hatton

CEBU - Human sa kadaugan ni pound-for-pound king Manny 'Pacman' Pacquiao, ang sunod nga pangandaman sa Fillipino boxing idol mao ang iyang sangka ni IBO light-welterweight champion Ricky 'Hitman' Hatton.

Si Hatton dugay na nga nagpanikad nga makigsangka ni Pacquiao, gani iya pa kining gihagit nga magbinukbukay didto sa Los Angeles

“My job is to fight in the ring, that’s the promoter’s job. I can fight any time, anywhere. I can go to England to fight Hatton, no problem,” matud ni Pacquiao.

Apan si promoter Bob Arum wala pa mopatol sa maong away human sa bag-ong tuig aron paghatag og pahuway ni Pacquiao.

Si Hatton sa iyang bahin kinsa misaksi usab sa away ni Pacquio ug de la Hoya mibutyag nga gusto niyang makontra ang bangiitang boskidor sa kalibutan sama ni Pacquiao aron iyang makuha ang world title gani andam siya nga mopataas ug mopaubos sa iyang timbang kun kinahanglan.

“I want to fight the best people in the world, I want to win world titles, I want to move up and down the weight divisions and I’ve done that and I feel very blessed that I’m in a position to fight Manny Pacquiao - he was outstanding,” matud ni Hatton. - Arnie P. Atuel (BANAT NEWS)