Pacquiao muabot inig Miyerkules sa Pinas

Human sa malampuson niyang pakigsangka ni "Golden Boy" Oscar De la Hoya, ang Filipino boxing champ nga si Manny "Pacman" Pacquiao gikatakdang moabot dinhi sa Pilipinas karong Miyerkules.

Paingon didto sa Los Angeles gikan sa Las Vegas, gi-asuy sa three-time world boxing champion Pacquiao nga gikatakda siyang motugpa sa Pilipinas karong Miyerkules, insaktong alas-5 sa buntag luwan sa eroplano sa Philippine Airline.

"Bakasyon muna, darating ako riyan Wednesday," matud pa ni Pacquiao atol sa interview sa dzBB radio. Matud pa usab ni Pacquiao nga mouli siya sa General Santos City sa Disyembre, 7 aron iselebrar ang iyang adlaw'ng natawhan.

"Nagpapasalamat ako taos puso sa mahal na Panginoon at nagpapasalamat ako sa buong sambayanang Pilipino sa pagdarasal nila. Narinig ang dasal natin. Ito ang karangalang natamo ko di lang sa atin kundi para sa ating mga Pilipino, para sa ating bansa kahit saang sulok ng mundo lahat ho tayo mga Pilipino," dugang pa ni Pacquiao.

Sa laing bahin, nagdumili pagtubag si Pacquiao may kalabutan sa kung kinsa ang sunod niyang ikasangka. Gitino ni Pacquiao nga sayu pa kaayo aron iyang huna-hunaon ang sunod niyang ikasangka.

Human sa ilang away, nahinumduman pa ni Pacman ang iyang gisulti ni De la Hoya human sa ilang makasaysayanong away, "this is just work, nothing personal," nga gitubag usab ni De la Hoya, you're the best, you're a great fighter, keep up the good work.  .