Doble panalo inilista ng LPC, SJC tosser

Ipinaramdam ng Las Piñas College at St. Jude College ang kanilang lakas sa unang araw ng volleyball competitions makaraang magwagi sa men’s at women’s matches at kunin ang maagang liderato sa 1st Universities and Colleges of Luzon Athletic Association (UCLAA) sa NCBA Fairview gym.

Binuksan ng LPC ang hostilidad sa men’s division sa pamamagitan ng 25-17, 25-17, 25-14 panalo sa Pamantasan ng Lungsod ng Muntinlupa habang sumunod ang St. Jude sa pamamagitan ng 25-22, 25-12, 25-13 decision sa Philip-pine College of Criminology.

Nanaig din ang St. Jude ladies nang umiskor ito ng straight-set win panalo sa PCCr, 25-12, 25-16, 25-11.  Nangailangan naman ang LPC ng extra set bago pinayuko ang PLMun, 25-19, 24-26, 25-20, 26-24.