CEBU - Gipamatud-an sa Pinoy boksidor Richie Mepranum ang iyang abilidad dihang nilampos kini pagpildi sa iyang Amerikanong kaatbang nga si Cesar pinaagi sa usa ka unanimous decision sa ilang six rounder gahapon sa undercard sa Pacquiao-De la Hoya match didto sa MGM Grand Garde Arena sa Las Vegas.
Ang garbo sa Maasin sa Sarangani nga si Mepranum maoy nipatigbabaw batok sa Amerikanong si Lopez sulod sa unom ka round, human sa away tulo ka mga hurado ang ni-iskor og 58-56, 59-55 ug 60-54 tana pabor ngadto ni Mepranum. Tungod sa maong kadaugan si Mepranum misaka karon sa 15-2-1, 3KOs samtang ang taga- El Paso, Texas nga si Lopez nakahiagum sa iyang ikapitong kapildehan uban ang 24 ka daog.
Sa laing away sa udercard, gipaluhod sa WBO super bantamweight champion Juan Manuel Lopez (24-0, 22 KOs) ang iyang challenger nga si Sergio Medina (33-2) sa 1:38 sa first round aron madepensahan ang iyang bakus.
Nagpabiling wala’y pilde ang welterweight nga si Daniel “The Golden Child” Jacobs dihang iyang gipatumba si victor Lares sa second round sa ilang away. Nilampos usab si Danny Garcia pinaagi sa unanimous decision kontra ni Jose Alfredo Lugo.
Samtang gidunolan ni Jose Angel Beranza sa unang kapildehan sa Jesus Rojas ug si Adrien Broner mipahunong ni Scott Fauney sa first round ug si Roberto Marroquin maoy nigawas nga mananaug dihang iyang gipatumba si Roberto Marroquin sa first round. - Lemuel P. Maglinte (BANAT NEWS)