Odulio nangulo sa USC North All Stars
CEBU - Mirehistro si Edmund Odulio og game-high 28 puntos aron pangulohan ang USC North All- Stars aron pagkulit og 69-57 nga kadaugan batok sa Jeson Guardo-sponsored Black team sa 8th University of San Carlos-Basic Education Department South Campus Parents Teachers Community Association, Inc. (USC-BED SC PTCA, Inc) Domingo didto sa USC- South campus covered court.
Ang USC North All-Stars nga niduwa isip guest team sa maong torneyo nga gipasiugdahan sa PTCA-South ubos sa ilang presidente nga si Dr. Hermes Ibon, ang daog didto gihapon gihapak sa Black squad.
Si Odulio mikulit og 18 puntos sud lang sa unang kuwarter aron tabangan ang USC North pagposte og 39-24 nga labaw sa halftime.
Si Arnold Libre maoy nangu sa Black sa iyang 19 puntos diin 16 puntos iyang nahimo sa second half.
Si Iming Gutierrez midugang og 13 puntos ug si Rolando Adarna miamot og 10 puntos alang sa Black.
Puntos Matag Usa
USC North-Green (68) - Odulio 28, Diaz 13, Jacobe 10, Wong 7, Villamor 6, Monsanto 4
Jeson Guardo-Black (57) - Libre 19, Gutierrez 13, Adarna 10, Lazaga 8, Galan 4, Carbon 3, Venez 2. - Gabby G. Malagar (BANAT NEWS)
- Latest
- Trending
