Pagdasig sa mga batan-on

CEBU - Ang katukoran sa National Billiards League (NBL) seguradong maghatag og kadasig sa mga batan-on pagbakyaw sa ilang tako.

Pinaagi sa NBL, makita na unya sa mga batan-on nga may kaugmaon ang career sa usa ka bilyarista.

Ang NBL gud sama sa PBA nga liga sa basketball. Ang mga magdudula nga sakop sa mga team nga partisipante sa liga adunay suweldo. Nga sa ato pa, dili na sila magsalig sa premyo.

Kay suweldado, regular silang magdawat og compensation matag bulan. Makadaog man o dili ang ilang team sa torneyo nga pasiugdahan sa liga, may suweldo silang madawat.

Mao nga para nako, usa gayod ka mapuslanong ideya ang gipanamkon sa mga tagtukod sa NBL.

* * *

Nalipay ta nga dinhi sa atong nasud adunay Puyat Sports, Bugsy Promotions, Billiards and Snooker Congress of the Philippines, Negros Billiards Stable, Bronco Stable, Raya Sports ug Billiards Maager and Players Association of the Philippines nga naglantaw sa kabulahanan sa atong mga bilyarista.

Kining atong gipanghinganlan maoy nagpakabana sa pagpalambo sa abilidad sa atong mga bilyarista. Dili lang kay kutob ra sila sa pagpalambo sa abilidad sa atong mga magdudula kondili nangita pa gyud sila'g paagi nga makahatag og career sa atong mga cue artist.

Busa, salamat ninyong tanan.

* * *

MAGBILYAR TA TEXTMATE PORTION: 0929-5930919, 0928-5662768 (Jwa), 0909-2327617, 0928-7397962 (Grace), 0926-2503938 (Ha) ug 0926-4586100.

Text na, mga suki!

* * *

(Mga sugyot ug pakisayod? Text sa 0910-8105522) (BANAT NEWS)