CEBU - Mikulit dayon og daog ang AC Sports ni Archie Baba human ilang gipilde ang Christine Jane, 65-54 sa una nilang aksiyon sa 35-Above category sa Barangay Ermita Basketball Association (BEBA) 2nd Conference Christmas League didto sa Ermita Sports Complex.
Napapas sa AC Sports ang ilang diyes puntos nga biya, 10-20 sa first half, apan ilang gidominar ang sunod nga kuwarter aron pag-ilog sa labaw, 31-25 sa halftime.
Sila si Tony Piloton, Henry Cabarrubias ug Baba maoy nangulo sa mainitong rally atol sa ikaduhang kuwarter.
Unang miarangkada ang Christine Jane pinaagi sab sa pagpaningkamot sa ilang sentro nga si Martin Torreon kinsa mipuntos og 14 sa iyang 21 puntos aron pangulohan ang opensa.
Mihulga og balik ang Christine Jane apan igo lang kini nakasikit ngadto sa duha ka puntos, 46-48 sa wala pa sila hingpit nga nakabsan sa lahutay.
Si Rabone Surmion ug si Piloton maoy nangu sa AC Sports pinaagi sa ilang 13 ug 12 puntos, samtang sila si Cabarrubias ug Baba parehong may 10 puntos.
Si Victor Macaraya mitampo og 16 puntos alang sa pilderong Chrsitine Jane.
PUNTOS MATAG USA
AC sports (65) - Surmion 13, Piloton 12, Baba 10, Cabarrubias 10, Quijano 6, J. Tago 6, Ando 4, Lauron 4, Diddib 1, E. Tago 1
Christine Jane (54) - Torreon 21, Macaraya 16, Aton 5, Señoron 3, Secuya 2, Regner 2, Dianon 2, Francisco 2, Lemita 1 (BANAT NEWS)