CEBU - Nag-wild si Joseph Jayme aron pangulohan ang District Collector’s Office pagposte og 68-56 nga kadaugan batok sa Chamber of Customs Brokers, Inc. (CCBI) sa 35-Above category sa 4th Collector’s Cup basketball tournament didto sa Mandaue Sports and Cultural Complex.
Wala mapugngi si Jayme, ang higanteng sentro ni coach Atty. Paul Alcazaren ug hapit na lang niya soloha ang mga puntos sa Collector’s Office sa second half.
Si Jayme maoy topscorer sa Collector’s Office ni District Collector Ricardo Belmonte pinaagi sa iyang 23 puntos, gisundan ni Jun Borromeo sa iyang 14 puntos.
Ang Collector’s Office nabiyaan sa halftime, 24-34, apan ilang giusab ang dagan sa duwa pagsugod sa third period ug wala na kini magpabangbang hangtod na sa katapusang gutlo sa duwa.
Puntos Matag Usa
District Collector’s Office (68) - Jayme 23, Borromeo 14, Gacquing 8, Companion 6, Pernito 4, Malabon 4, Gerundio 2, Cadungog 2, Alinsug 2, De Joya 2.
CCBI (56) - Avenido 12, Canillas 8, E. Cilocilo 7, Cilocilo 6, Alburo 5, Rubio 4, De Roja 4, Mondin 4, Petracorta 3, Kazen 2. - Gabby G. Malagar (BANAT NEWS)