CEBU - Ang garbo sa University of Southern Philippines Foundation (USPF) Joel Delposo ug Mary Jane Beboso mao ang nag-una sa tagsa-tagsa nila ka dibisyon sa gipahigayon nga MOVE 5K Run 2: Heroes Run for PWDs (persons with disabilities) kagahapon sa buntag didto sa ParkMall sa North Reclamation Area.
Si Delposo mitapos sa lumba sulod sa 16 ka minutos ug 24.39 segundos aron pangulohan ang men’s division , samtang si Beboso maoy nahimong reyna sa women’s division dihang mirehistro siya og oras nga 21 minutos ug 19.42 ka segundos.
Nagsunod kang Delposo mao si Jess Gonzada nga aduna’y oras nga 16:38.18, si Jorry Ycong ug Bernido Ian maoy mipahiluna sa ikatulo ug ikaupat nga dapit sa ilang oras nga 16:43.43 ug 16:56.43.
Mikumpleto sa top 10 sa men’s class mao sila Meljim Luterte (17:00.75), Reprinel Banzon (17:56.79), Jude Rivera (18:02.03), Charlie Berberio (18:14.38), Ricky Abalayan (18:20.77) ug Michael Estrera (18:25.05).
Si Haziel Retavale maoy mipahiluna sa ikaduhang pwesto nagsunod kang Beboso sa oras nga 21 minutos ug 23.83 segundos, nagsunod si Ninalyn Canedo nga misakmit sa third place sa iyang oras nga 22:06.67, samtang sila si Honelyn Jubay nga mirehistro og 22:27.49 ug Romelee Teves sa iyang oras nga 23:10.30 milingkod sa ikaupat ug ikalimang dapit.
Lakip sa nakasulod sa top 10 sa women’s class mao sila si Jennifer Belocura (23:28.18), Camila Luterte (23:31.21), Ruby Ann Gica (24:25.50), Mendrica Villarubia (24:51.42) ug Gayang Belgira (29:46.42). - Lemuel P. Maglinte (BANAT NEWS)