CEBU - Ang Don Bosco Technology Center (DBTC) ug Sacred Heart School-Jesuit (SHS-J) mag-ilog sa unang dapit sa mini ug midget divisions sa pagsugod sa semifinals sa 1st Metro Cebu Inter-School Basketball Challenge “A Search for Little King of the Court” karong adlawa diha sa DBTC gym.
Sa mini class, ang DBTC moharong sa Cebu Eastern College alang sa pasiunang duwa, samtang ang SHS-J makigsangka batok sa Southwestern University sa main game.
Ang mga modaog sa duha ka dibisyon maoy magsangka sa kampiyonato ugma diha gihapon sa DBTC gym.
Ang Team World maoy mipadagan sa maong torneyo sa abag ni DBTC Administrator ug Rector Fr. Lan Guiao, Boy Andoyo (event director), Harry Lim ug Rey Villagracia (tournament commissioners) ug Rey Cañete (technical committee).
Gipaluyohan sab kini ni acting Cebu City Mayor Mike Rama, Guardo Sports Foundation, Globe Broadband, Growee Vitamins, Prosel Pharma, King’s Quality Foods, Atty. Rico Rey Francis ‘Koko’ Holganza, Cokaliong Shipping Lines, Teksource and Computer Systems, Tri-J Marketing ug AMBL. – BANAT NEWS