Green team kampiyon sa TCPI bowling tournament

CEBU - Ang Green team maoy miguwang kampiyon sa Taiheiyo Cement Philippines, Inc. (TCPI) bowling tournament didto sa Gaisano Countrymall Bowlingplex.

Ang Green team nga gipangulohan ni SVP for Finance and Administration nga si Takahiko Imachi, kinsa mao sab ang team captain nakatigom og 1,674 points sa usa ka adlaw nga torneyo alang sa mga kawani sa TCPI Cebu City head office.

Mikompleto sa top three performers mao ang Orange team, kinsa mipahiluna sa ikaduha nga dapit pinaagi sa paglansang og 1,638 points ug ang Red team, kinsa mikapyot sa ikatulo nga dapit nga mipupo og 1,595 points.

Usa ka fellowship ug awarding ceremony ang gipahigayon human sa duwa. – BANAT NEWS