White padayong mihagdaw og daog

CEBU - Padayong mihagdaw og daog ang White Team nga gipaluyohan sa AC Sports ni Archie Baba ug ni Engr. Yoyo Abiera human ilang gilubong ang Blue team, 80-68 sa Allied Athletics Association (Triple-A) 2nd Conference Inter-color basketball tournament didto sa Kimwa gym, dakbayan sa Mandaue.

Sayong mi-arangkada ang AC Sports-White ug wala na kini molingi human miposte og 25-19 sa first quarter.

Si Larry Villanil maoy mihatag sa mga krusyal nga baskets alang sa AC Sports-White pinaagi sa pagpoga og 10 sa iyang 14 puntos sud sa fourth period, apan si Ajie Quijano maoy topscorer sa iyang 18 puntos. Sila si Rany Cruz, Gersam Armamento ug Mamert dela Torre miabuno og 10 puntos matag usa.

Si Rey Gonzaga maoy nangu sa Blue sa iyang 23 puntos, gisundan ni Edwin Majam sa iyang 11 puntos ug si James Rafanan adunay 10 puntos.

Sa maong kadaugan, ang White miinat sa ilang baraha ngadto sa 4-1, samtang ang Blue nahagba sa 3-2 nga baraha.

Puntos Matag Usa

White (80) - Quijano 18, Villanil 14, Cruz 10, Dela Torre 10, Armamento 10, Ganda 4, Baba 4, Retiza 4, Martinito 2, Taborada 2, Villamor 2, Baunsit 2

Blue (68) - Gonzaga 23, Majam 11, Rafanan 10, Castueras 6, Dimpas 6, Ecot 5, Yares 2, Bolingkit 2, Tabaña 2, Gomos 1. – BANAT NEWS