Kidneycare nakabangon sa USCBHABA-Atan Guardo Cup

CEBU - Milumpayat ang Kidneycare ‘87 gikan sa sunod-sunod nga kaparotan ug ilang gibuntog ang Orange ‘82, 100-93 sa University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus gym.

Ang Kidneycare ‘87 ni team manager ug no. 1 councilor sa barangay Tisa nga si Jason L. Guardo alkanse og tres puntos paghuman sa first quarter sa iskor nga 38-41, apan milusad kini sa ilang mainitong pangatake sa ikaduhang kuwarter aron pag-ilog sa labaw sa halftime, 66-63.

Giinat pa sa Kidneycare ‘87 ang labaw ngadto na sa 81-75 ug ilang nakontrolar ang momentum hangtod sa pagkahurot sa oras sa duwa.

Sa sayo pa, ang Teri ‘80 milansang sab og daog pinaagi sa pagpukan sa Maglev ‘90 sa iskor nga 83-74.

Ang 2008 USCBHABA season gipaluyohan sab sa Uniherbs Philippines, usa sa nag-unang health companies nga tiggama og nabantog nga food supplements sama sa Arthro, Kidneycare, Heartvit, Diabet ug Eyeberry.

Puntos Matag Usa

Unang duwa:

Teri (83) - Balankig 25, Maninang 18, Tan 12, Cadampog 10, Manulat 8, Delantar 5

Maglev (74) - Sievert 24, Tio 13, Balankig 12, Cotelo 8, Ranili 6, Jayson 2, Quinicot 2

 Ikaduhang duwa:

Kidneycare (100) - Tabares 20, De los Cientos 19, Simene 12, Jimenez 9, Bajarias 8, Honorio 7, Go 6, Auben 6, Burila 5, Delantar 2

Orange (93) - Diaz 33, Balankig 23, Belocura 14, Honorio 12, Nabua 2. – BANAT NEWS