CEBU - Ang sports leader ug University of Cebu (UC) Webmaster team manager Atty. Baldomero C. Estenzo mibutyag sa final composition sa Cebu Schools Athletic Foundation, Inc. (CESAFI) Selection nga morepresentar sa Sugbu sa 17th Kung Sheung International Basketball Invitational Championships sugod sa Disyembre 14 didto sa Queen Elizabeth Stadium sa Huang Chai, Hong Kong.
Ang gitudlong coach mao si Elmer ‘Boy’ Cabahug sa University of the Visayas (UV) Green Lancers, samtang ang iyang assistant mao si Edito Salacut sa University of San Jose-Recoletos (USJ-R) Jaguars.
Ang CESAFI Selection gilangkuban og upat ka players gikan sa UV ug USJ-R ug usa ka player gikan sa UC, USPF, SWU ug Don Bosco.
Ang mga sakop sa CESAFI Selection mao ang 6-foot-11 nga si Gregory Slaughter, Eulogio Lasala, Jr., Chris Victor Diputado ug Ritchum Dennison sa UV, Armand Ponce, Ranulfo Malinao, Jabe Delfino ug Mannie Gabas sa USJ-R, Jun Mar Fajardo sa UC, Alfred Belande sa SWU, Moncrief Rogado sa USPF ug si Ricmar Perturbos sa Don Bosco.
Gibati karon og kabalaka si Estenzo sa ila unyang pagsulong didto sa Hong Kong, apan matud pa niya, ilang paninguhaon ngam makapakita og maayong performance. – BANAT NEWS