Bogo mo-host sa GUV Cup

CEBU - Bisan pa sa hukom sa Korte Suprema pagbalik sa estado sa tulo ka mga siyudad ngadto sa mga lungsod, wala kini makaapekto sa ilang grouping sa 4th Gov. Gwendolyn Garcia Unity Volleyball (GUV) Cup for Women nga mopahigayon sa city cluster karong adlawa didto sa Bogo.

Ang duha ka adlaw nga aksiyon tigian sa walo ka teams sa tanang component cities sa probinsiya sa Sugbu.

Naglangkob sa bracket A mao ang defending champion Lapu-Lapu, Talisay, Carcar ug Naga, samtang sa bracket B mao ang Mandaue, Toledo, Danao ug Bogo.

Ang nag-unang duha ka koponan sa matag bracket moabante ngadto sa semifinal round nga duwaon diha sa Cebu International Convention Center (CICC) sa reclamation area, Mandaue City. – BANAT NEWS