Hapee, SACS misakmit sa titulo

CEBU - Nakalingkawas ang Hapee Online Basketball Training Camp dihang ilang gipilde ang Sacred Heart School-Jesuit, 66-65 aron pagsakmit sa 17-under title sa Hapee Online Basketball League Second Conference Challenge Cup didto sa Cebu Coliseum.

Wala kapugngi si Bridirick Brigoli sa iyang pagmangtas ug miburak kini og game-high 30 puntos alang sa Hapee Online nga nakapadaog kaniya sa Finals MVP.

Daku sab og natabang sila si Kyle Valoria ug ang kusgan nga si Jid Rama pinaagi sa ilang opensa sa third quarter.

Ang Hapee igo lang milabaw og dos puntos sa halftime, 50-48,   apan si Mark Jayven Tallo maayo kaayo nakahatag og assists ug ingon man sa iyang outside shots nga nakatabang sa Training Specialists pagkontrolar sa momentum.

Sa 12-under category, ang Saint Alphonsus Catholic School (SACS) sa Lapu-Lapu City mibuntog sa Hapee Online, 52-50 aron paglangkat sa labing unang titulo sa torneyo.

Si Noel Villacern mi-iskor og 21 puntos nga igo na kaayo alang kaniya pagdaog sa Finals MVP.

Sa special awards, sila si Brigoli ug Tallo naapil ngadto sa Mythical Five sa 17-under class uban nilang Joven

Sepe sa USC, Kyle

Valmoria ug Gerald Rama sa SHS-J.

 Ang best defensive players mao sila si Jomari Dinsay ug Michael Smith sa SHS-J, Jake Gabuya sa USC, Pepito sa Indiana ug Ugaro sa SACS. Ang most improved players mao sila si Ian Cotamura sa Hapee, Niko Dutillos, Jid Rama, Kyle Edwin Valmoria sa SHS-J ug si Johnson Tan sa Hapee, samtang ang nakadawat sa sportsmanship team award mao ang Indiana Aerospace University.

Ang Mythical Five sa 12 under category naglangkob nilang Reggie Villasin, Mark Kong, Joegen De la Cruz sa Hapee, Ryan Reynes, Ian Maligro sa SACS ug ang most improved players mao sila si Anthony Pestaño sa Hapee, Cabigon sa CIT ug Aves sa CEC.

Ang best defensive player mao si Matmat Empleo sa Hapee ug ang sportsmanship team mao ang Cebu Eastern College.

Puntos Matag Usa

(12 under category)

SACS (52) - Villaceran 21, Reynes 12, Maligro 11, Toring 6, Igot 2

HAPEE (50) - Kong 14, Villasin 12, De la Cruz 11, Pestaño 4, dela Cruz 3, Pestaño2, Tallo 2, Espina 2

(17 under category)

Hapee (66) - Brigoli 30 Tallo M. 15, Getalla 10, Onting 4, Tallo 4, Tan 3

SHS-J (65) - Valoria 21, Smith 13, Roma 11, Rama 8, Talagouin 7, Quinto 3, Dinsay 1, Aquisar 1. – BANAT NEWS