SHS-J pabiling walay pilde

CEBU - Nagpabiling walay pilde ang Sacred Heart School-Jesuit (SHS-J) hoopsters human nila gilubong ang Don Bosco Technology Center (DBTC) Team-B, 18-4 sa midget division sa 1st Metro Cebu-School Basketball Challenge “A Search for Little King of the Court” niadtong Domingo didto sa DBTC gym.

Sa wala pa nila gilubong ang Don Bosco, ang SHS-J Eagles midagit og 85-37 nga kadaugan batok sa Philippine Christian Gospel School (PCGS).

Sa laing mga duwa, ang DBTC-A ug ang Monterey School of Talisay pulos midaog pinaagi sa default batok sa University of San Carlos-North Campus.

Sa mini class, ang DBTC mi-ihaw sa University of San Jose-Recoletos (USJ-R) Jaguars, 20-6 aron pag-inat sa ilang baraha ngadto sa 2-1.

Sa laing bahin, ang Cebu Eastern College milubong sa walay daog-daog nga Southwestern University, 56-24.

Ang kompetisyon gipadagan sa Team World uban ni DBTC Administrator ug Rector Fr. Lan Guiao, Boy Andoyo (event director), Harry Lim ug Rey Villagracia (tournament commissioners) ug Rey Cañete (technical committee chief).

Nagpaluyo niini mao sila si Cebu City Acting Mayor Mike Rama, Guardo Sports Foundation, Globe Broadband, Growee Vitamins, Prosel Pharma, King’s Quality Foods, Atty. Koko Holganza, Cokaliong Shipping Lines, Teksource and Computer Systems, Tri-J Marketing ug AMBL.  (BANAT NEWS)