Nietes gitanyagan duha ka title fights

CEBU - Human sa iyang impresibong kadaugan pinaagi sa pagtumba ni world-rated Eddy Castro niadtong Agosto 30 dinhi sa Sugbu, si WBO minimumweight champion Donnie 'Ahas' Nietes gitanyagan karon og duha ka title fights ni international matchmaker nga si Sampson Lewkowicz.

Matud pa ni ALA Promotions big boss Michael Aldeguer, nga unang giplano nga ikasangka ni Nietes mao ang Mehikanong si Eric Ramirez (25-5-1, 19 KOs) kinsa mao ang WBO Latino champion unya sa Pebrero 2, 2009.

Ang ikaduha nga makasangka ni Nietes mao ang undefeated lightweight champion nga si Ivan 'El Niño' Calderon (32-0, 6KOs).

Naglaraw karon ang Puerto Rican nga si Calderon nga mokanaog sa minimumweight aron iyang makaatbang si Nietes unya sa Mayo sunod tuig. 

Si Nietes, kinsa nagbitbit og rekord 23-1-3, 14KOs misakmit sa WBO crown human iyang gipaluhod ang Thai boxer nga si Pornsawan Kratingdaenggym niadtong Hulyo 7 sa miaging tuig.

Sila si Nietes ug Ramirez parehong nagpangedaron og 26-anyos ug parehong mga orthodox fighters, apan ang Mehikano nakabaton og height advantage. Si Ramirez adunay gitas-on nga 5’5, samtang si Nietes nagbarog lang og 5’3.

Sa iyang bahin, si Calderon dili usab angayang kompiyansaan tungod sa mga kasinatian niini, apan wala kini knock-out punch itandi ni Nietes. – BANAT NEWS