CEBU - Gibuak nilang Danielle Ballesteros ug Loren Dale Echavez ang duha ka rekord sa swimming sa 18th Cebu City Olympics kagahapon didto sa Cebu City Sports Center.
Ang 8-anyos nga si Ballesteros sa University of Southern Philippines (USPF) mirehistro og 1:30.72 aron buk-on ang girl's 100-meter breaststroke record nga 1:35.93 nga gikulit ni Maribeth Ababon niadtong 2000.
Sa iyang bahin, si Echavez nilangoy sa 400-meter sud lang sa 4:59 aron pagbuak sa rekord ni Lynette Ang, kinsa mitali og 5:03.03 niadtong 1998.
Midaog sab si Ballesteros og silver sa 200-meter IM nga gidominar ni Trina Caneda, kinsa mikabkab na og duha ka bulawan sa elementary division, samtang si Lester Tungala, mihakot og tulo ka gold medals aron pag-una sa boy's elementary division. – BANAT NEWS