Tejero mo-hostHip Hop-Dancesport competition
CEBU - Ang barangay Tejero maoy mo-host sa fourth leg sa Go Ching Hai Martina and ML Kwarta Padala Cup-Barangay Hip Hop and Dancesport Competition ugmang adlawa.
Ang tandem nilang Limuel Enriquez ug Patricia Kaye Cirujano gilaumang mokulit og laing daog atol sa third leg didto sa Mambaling diin sila nanghawod sa junior latin open routine.
Sa kinatibuk-an, ang barangay Pardo maoy nidominar sa open routine pinaagi sa paghakot og duha ka gold, usa ka silver ug usa sab ka bronze medals.
Nagsunod ang barangay Guadalupe sa ilang 1-2-1 medal tally, samtang ang host Mambaling nahimutang sa ikatulo nga adunay 1-1-3 medal count.
Mikompleto sa top five mao ang Buhisan nga nikabkab og usa ka bulawan ug ang Lahug nga adunay usa ka silver ug usa sab ka bronze.
Sa third leg sa maong event nga gipasiugdahan sa Dancesport-Team Cebu City, sila si Dexter Quijote ug Sharmaine Maloloy-on mikabkab og tulo ka bulawan ug usa ka silver.
Nakuha nila ni Quijote ug Maloloy-on ang bulawan pinaagi sa youth latin division ug sa modern standard discipline.
Sa laing bahin, sila si Jason Milla ug Katheren Palelio, milangkat og duha ka golds ug usa ka bronze, samtang sila si Sunrish Jucew Conde ug Cheska Marie Añoza mikabkab og duha ka golds. – BANAT NEWS
- Latest
- Trending
