PCCL Zonals

CEBU – Dili pa lang dugay, nabansiwag na sab ang ngalan ni Cebu Schools Athletic Foundation, Inc. (CESAFI) commissioner Felix O. Tiukinhoy, Jr. kinsa maoy gibasol ni coach ug Cebu City Councilor Raul 'Yayoy' Alcoseba nga maoy migalgal ngadto sa CESAFI board sa pagdili nga makaduwa ang mga CESAFI teams sa Visayas Amateur Athletic Association (VAAA).

Kun basketball ang lantugian, wala koy dapigan nilang duha ni Boy Tiukinhoy ug ni coach Yayoy. Gawas nga pareho silang nagsangyaw og basketball, pareho sab sila nako suod nga higala. Gani si Tiukinhoy maoy proxy ni Mr. Albert Tan sa VFI isip ninong sa akong kasal ug si coach Yayoy, ninong sab sa akong anak nga si Matt Erikson. Si Tiukinhoy "ninong" si coach Yayoy "kumpare".

Nahimong kisaw ang duha ka mga sports leaders tungod sa managlahing prinsipyo sa basketbol. Dili nimo mabasol si Tiukinhoy kay may kaugalingon sab nga torneyo ang CESAFI ug dili sab mabasol si Yayoy kay aduna sab siya'y gipaluyohan nga VAAA.

Niadtong Oktobre 26, gitawagan ko ni Tiukinhoy ug mipahibalo nako nga ang CESAFI board nagkasabot atol sa ilang board meeting didto sa Chibori Restaurant nga dili tugotan ang ilang mga teams nga moduwa sa VAAA tungod sa ilang kaugalingon nga pagpangandam alang sa umaabot nga Phillippine Collegiate Champions League (PCCL) didto sa Manila nga wala pa gyu'y Sugbuanon nga team nga nahimong kampiyon.

Gani, ang usa sa tubag niini ngadto sa VAAA mao nga ang University of San Jose-Recoletos (USJ-R) Jaguars, University of San Carlos (USC) Warriors ug ang University of Cebu (UC) Webmasters mosalmot man sa Zonal eliminations aron makaangkon og luna ngadto sa PCCL diin kwalipikado na ang UV Green Lancers isip kampiyon sa CESAFI.

Ang USJ-R ug UC nisalmot sa Zonals sa Ormoc gikan sa Nobiyembre 9-12, samtang ang USC mosalmot sa Zonals sa Cagayan de Oro sa sunod semana.

Maayo unta og magsinabtanay lang kining CESAFI ug VAAA aron dili mag-iyahay og panaway kay ngil-ad pamation kun mag-away ang mga lider sa basketbol.

Ambot kanus-a kaha magkasinabot kining CESAFI ug VAAA nga ang CESAFI mibuwag naman sa Samahang Basketbol ng Pilipinas (SBP) tungod kay sa ilang pagtu-o, wala sila magiyahi og maayo ni Manny V. Pangilinan sa hustong direksiyon. Ang VAAA sanction sa SBP apan ang CESAFI didto makapusta sa Basketball Association of the Philippines (BAP) ni Prospero Pichay. Diha gani migawas nga isyu sa pamantalaan nga ang CESAFI, ipatawag kuno sa committee on ethics sa SBP nganong misuporta sa liga sa BAP ug niining maong isyu, daw sa dili gyud magkaduol ug magkatinutokay ang CESAFI ug VAAA.

Mahimong masayop ako apan mora'g ang panagsabot sa CESAFI ug VAAA dili pa mahitabo sa kasamtangan nga panahon. Tingali maabtan pa og pipila ka katuigan.

* * *

SG Miscellaneous. Congratulations to Fr. Vic Uy, SVD on his appointment as the new commissioner of the Philippines Sports Commission (PSC).The Cebuanos believe that you really deserved to be there in your position as one of the country's premier sports managers. The University of San Carlos-Basic Education Department South Campus-Parents Teachers Community Association, Inc. (USC-BED SC PTCA, Inc.) is proud of you. Fr. Vic or Pads to his intimates, was former Vice-President for Finance of the USC. More Power and good luck to you Pads. – BANAT NEWS