CEBU - Gipukan sa JMA ang San Remigio Beach Club, 79-73 aron pagsakmit sa titulo sa 2008 BDO-PYFBA-BACES Basketball Club Tournament didto sa YMCA gym.
Ang JMA nga gipangulohan nilang Teroy Albarillo ug Lito Aniñon mipahimulos sa ilang halapad nga kasinatian aron pagpulbos sa mga batan-ong magduduwa sa San Remigio Beach Club.
Si Albarillo mirehistro og game-high 17 puntos, gisundan ni Rondel Roncal pinaagi sa iyang 12 puntos.
Samtang si Aldrin Fernandez, kinsa miposa og 15 puntos maoy nangulo sa San Remigio nga nagkagidlay kay wala ang ilang star player nga si Samsam Gullas, kinsa gikatahong mibakasyon sa Amerika.
Sa laing duwa, ang BACES mimakmak sa PYFBA cagers sa iskor ga 90-85 aron pag-angkon sa ikatulo nga dapit.
Puntos Matag Usa
JIMA (79) -- Albarillo, 17, Roncal 12, Gastador 10, Aniñon 9, Lastimosa 8, Tangol 6, Sillar 4, Quirante 4, Pinera 2
SAN REMIGIO (73) -- Fernandez 15, Alano 12, Abad 11, Vigeador 8, Mariano 7, Marano 6, Lubas 4, Ynoc 4. – BANAT NEWS