120 ka miyembro sa DTCC morampa sa 2008 DSCPI

CEBU - Adunay kinatibuk-ang 120 ka atleta gikan sa Dancesport-Team Cebu City ang mopakita’g aksiyon sa 2008 DSCPI National Dancesport Championships karong adlawa didto sa Philsports Arena sa Pasig City.Gawas sa mga miyembro sa DTCC, lain pang mga grupo dinhi sa Sugbu ang gilauman sab nga mopakita og aksiyon karong adlawa sama sa nangaging kompetisyon dinhi sa Cebu ug sa Manila.

Sa DTCC, ang top two couples nga giatngan mao ang umaabot SEA Games bets nga sila si Anna ug Joel Madera ug Carol Bacera ug Gerald Halili.

Gipakita sa magtiayong Madera nga ang ilang kadaugan batok sa top-ranked dancesporters atol sa DSCPI Mid-Year Ranking Competition dinhi sa Sugbu dili bias human   makapakita og maayo sa ubang mga aksiyon lakip na ang SEA Games try-out.

Si Cebu City Sports Commission dancesport director Edward Hayco, wala hinuon mosaad nga ilang makuha pag-usab ang 25 sa 27 ka gold medals nga ilang nakabkab niadtong Hulyo dinhi sa Sugbu. – BANAT NEWS