Winners sa 3-point shootout ug mythical five

CEBU - Gipagawas ni Boy Allan Lataza, usa sa mga haligi sa Banawa Riverside Athletic Association (BRAA) ang mga mananaog sa 3-point shootout ug Mythical Five sa bag-o lang natapos nga torneyo nga ilang gipasiugdahan.

Si Marvin Cabaluna maoy kampiyon sa 3-point shootout sa Inter-Sitio, samtang si Manjo Lauron maoy kampiyon sa Inter-Clan ug si Botchok Mabatid ang kampiyon sa midget division.

Una nang nasayran nga si Zanny Maloloy-on maoy MVP sa Inter-Clan ug siya usab ang nangu sa Mythical Five uban nila ni Pedot Animas (point guard), Rambo Mabatid (shooting guard), Manjo Lauron (small forward) ug Jun Verano (sentro).

Ang Maloloy-on/Dinampo Clan maoy nahimong kampiyon sa Inter-Clan dihang ilang gipukan ang Lauron/Rocolas clan.

Ang Mythical Five sa Inter-Sitio gipangulohan ni MVP Taipan Cabral uban nila ni Michael Cinco, Rambo Labay, William Abelgas, Caloy Vergara.

Nahimong best coach mao si Lito Maranga sa Loyola Team, ang Best Muse mao si Rothamae Jane Vernao, ang Mr. Gentleman of the Court mao si Manjo Lauron ug ang Most Discipline/Behave Team nakuha sa Kanaas Team.

Ang awarding ceremonies gitambongan nila ni Rihie Osmeña, kinsa maoy nirepresentar ni Congressman Tony Cuenco, Atan Guardo ug sporst patron Lito Gillamac. – BANAT NEWS