AC Sports naka-eskapo

CEBU - Ang AC Sports ni Archie Baba milatigo sa Kagawad Gallego, 74-71 pinaagi sa “come-from-behind” alang sa ilang ikaduhang sunod-sunod nga kadaugan sa Allied Athletics Association (AAA) 2nd Conference basketball tournament niadtong Domingo didto sa Kimwa gym sa Mandaue City.

Unang miratsada ang Kagawad Gallego ug miposte kini og 63-45 nga bentaha paghuman sa third period pinaagi sa nagpusot-pusot nga puntos nilang Jun Arceo, Nelson Gacasan ug ex-UV Lancer Chico Cabahug.

Apan pagsugod sa fourth period, hinay-hinay nga mibawos ang Sportswear Makers pinaagi sa ilang sunod-sunod nga baskets uban sab sa     hugot nilang depensa nga gipangulohan nilang Jovy Taborada, Chris Martinito ug Baba hangtod nga nakasikit kini, 67-68 pinaagi sa 3-pointer ni Rany Cruz sa katapusang dos minutos sa duwa.

Ang Sportswear Makers nakatabla sa labing unang higayon, 69-all kortesiya ni Martinito sa nahabiling 1:38 sa regulasyon.

Si Gersam Armamento mihatag sa unang labaw ngadto sa AC Sports pinaagi sa iyang split charities, 71-69 sa wala pa luwasa ni ex-pro Larry Villanil ang AC Sports.

Si Armamento maoy nangu sa AC Sports sa iyang 21 puntos, samtang sila si Mamer dela Torre ug Cruz miamot og10 puntos matag usa.

Ang Kagawad Gallego gipangulohan ni Arceo kinsa mi-iskor og 15 puntos, gisundan ni Gacasan sa iyang 13 puntos ug si Cabahug nga mitampo og 11 puntos.

PUNTOS MATAG USA

AC Sports (74) -- Armamento 21, Cruz 10, Dela Torre 10, Villanil 8, Martinito 7, Baunsit 6, Baba 4, Taboada 2, Ganda 2, Retiza 2, Villamor 2

Kagawad Gallego (71) -- Arceo 15, Gacasan 13, Cabahug 11, Ybañez 8, Cardoza 8, Quioco 5, Aringo 4, Del Mar 3, Almario 2, Gallego 2 (BANAT NEWS)