Gabrielle naka-eskapo sa Jeff Lawrence

CEBU - Naka-eskapo ang Gabrielle team gikan sa mga kamot sa bangis nga Jeff Lawrence bitbit ang 92-89 nga kadaugan sa bugtong duwa sa seniors sa nagpadayong aksiyon sa Unit 3 Carbon Market Basketball Tournament didto sa Ermita open court sa barangay Ermita, ning siyudad.

Sa junior division, ang LAVO team yano kaayong miloglog sa NT-777 ug gilubong sa iskor nga 90-73, samtang ang Marbebs Fighter milubong sab sa walay daog-daog nga LSB sa iskor nga 109-70.

Sikit kaayo ang kumbati sa Gabrielle ug Jeff Lawrence sa tibuok duwa hangtod nga si Alvin Tura sa Jeff Lawrence mi-iskor pinaagi sa lay-up aron pagtabla sa duwa, 89-all sa nahabiling 23 segundos.

Sa sunod nga ball posisyon, si Renan Aupe mipasud og usa sa duha niya ka free throws aron hatagan ang Gabrielle og uno punto nga bentaha ug dayon si Jerby Dejacto mituhog og dos puntos nga maoy mikandado sa kadaugan.

Si Aupe maoy topscorer sa Gabrielle nga mipabuto og 22 puntos, samtang sila si Lie-Ann Carabaña, Almar Cabinte ug Marian Sabando mitimang og 10 puntos matag usa.

Ang naparot nga Jeff Lawrence gipangulohan ni Tura sa iyang 21, gisundan ni Jojo Emnace pinaagi sa iyang 15 puntos.

PUNTOS MATAG USA

LAVO (93) - Daclan 32, Regner 26, Medalla 15, Lim 7, Pogoy 4, Alcuizar 3, Flores 2, Reuyan 2, Taghoy 2

NT-777 (70) - Natural 19, Labrador 18, Cortes 10, Cading 6, Lucido 6, Ando 4, Buicks 3, Villagonzalo 2, Bakunawa 2

Ikaduhang duwa:

Marbebs (109) - Alfeche 26, Allera 21, Ompong 16, Perante 16, Tuñacao 8, Magaway 6, Fernandez 6, Angco 6, Morre 2, J, Flores 2

LSB (70) - Benitez 35, Tampos 10, Flores 8, Layao 5, Larrobis 4, Paredes 4, Garcia 4,

Ikatulong duwa:

Gabrielle (92) - Aupe 22, Carabaña 10, Cabinte 10, Sabando 10, Caparida 7, Dejacto 7, Alquizola 6, Rosas 5, Tude 4, Florentino 3, Morales 3, Labitad 3, A. Cabinte 2

Jeff Lawrence (89) - Tura 21, Emnace 15, Jumao-as 11, Go 8, Abatayo 7, Dico 6, Abapo 6, Rosales 6, Gomez 5, Torrejos 4 (BANAT NEWS)