Team RemEMBER 'daog

CEBU - Mihungaw ang kainit sa RemEMBER human sa bugnaw nga performance sa first quarter aron pagpakaging sa nanulong nga Liloan Selection, 88-72 sa nagpadayong aksiyon sa 6th M. Lhuillier Kwarta Padala Under-21 Developmental Basketball League didto sa Consolacion Sports Complex.

Ang RemEMBER ni Consolacion Vice Mayor Ember V. Alinsug ug Poblacion Oriental Councilor Paul Alelu Flores, ang sinaligan kanhi sa Far East University (FEU) Tamaraws sa UAAP nakabentaha lang og dos puntos, 21-19 paghuman sa unang 10 minutos sa duwa, apan mibanos ang naglagiting nga kainit sa ikaduhang kuwarter aron pagposte og double figures nga labaw sa halftime, 47-37.

Tungod sa makabungog nga abiba sa ilang fans, ang RemEMBER miinat sa ilang labaw ngadto sa 12 puntos, 63-51 sa third quarter. Ilang gipanit-panitan ang ilang silingang Liloan sa final chapter aron pagposte og 16 puntos nga kadaugan.

Sa maong kadaugan, ang RemEMBER nagsolo karon sa ikaduhang dapit sa Bracket-B sa ilang 4-1 win-loss record, sunod sa walay pildeng 5th Avenue Telecom Hoop It Up (4-0) ni coach Marvin Felices.

Ang makampiyon ning duha ka bulan nga kompetisyon nga gipasiugdahan sa M. Lhuillier Sports Development Foundation (MLSDF) pinaagi sa ilang executive director ug multi-titled coach Eddie Ybañez makadawat og P5,000, ang ikaduha mobulsa og P3,000 ug ang ikatulo makaangkon og P2,000.

Puntos Matag Usa

RemEMBER (88) - Valle 18, Ermac 14, Pilapil 12, Serra 10, Somosot 9, Dahil 8, Medida 7, Gonzaga 6, Bio 4

Liloan (72) - Achumbre 12, Urot 10, De la Torre 10, Bantilan 9, Federico 8, Barreta 8, Patigdas 6, Andoy 4, Javier 3, Conahap 2. - BANAT NEWS