CEBU - Giharos sa Hero Commando ang tanang lima nila ka duwa sa eliminasyon human gipilde ang Park ‘N Go Bakeshop, 82-74 niadtong Martes sa Power Forty Basketball Christmas League didto sa Inayawan Sports Complex.
Nasakmit sa Hero Commando ang unang luna sa semifinals, apan napuhalan ang ilang kadaugan dihang si Atty. Flor Yosores mirehistro og career-high 42 puntos aron pangulohan sa UTASSCO Utility ngadto sa 110-87 nga kadaugan batok sa Fag Machine Shop kinsa ilang giduot ngadto sa kinaubsan sa standing nga wala gyud makatilaw og daog sud sa lima ka duwa.
Si Yosores, mibuhi og 12 ka triples nga usa sab ka record sa Power Forty.
Tungod sa ilang kadaugan, ang Commando ug UTASSCO mi-abante sa semifinals ug nakakuha'g twice-to-beat incentives sa playoffs.
Ang Park N' Go Bakeshop ug EBE & Allyn Piggery mag-abot pag-usab karong Martes alang sa quarterfinal round ug ang modaog maoy makigsangka sa Hero Commando.
Sa laing sangka sa quarterfinals, ang Christine Traders makigsangka batok sa Fag Machine Shop ug ang modaog mao sab ang moharong sa UTASSCO.
Ang Christine Traders midaog batok sa EBE & Allyn Piggery sa iskor nga 82-76.
Si Joey Escalon miposa og 21 puntos aron pangulohan ang Christine, samtang si Carding Vernaiz mipabuto og 22 puntos alang sa EBE & Allyn.
Lima ka sakop sa Commando ang mi-iskor og double figures nga gipangulohan ni Cogon, Pardo barangay councilor Jojo Ibones, kinsa mihakot og 14 puntos ug sama sa naandan, si Michael Arias maoy nangu sa Park ‘N Go sa iyang 20 puntos.
Puntos Matag Usa
Unang duwa:
Christine (82) - Escalon 21, Dela Rama 16, Eleguin 8, Dejacto 8, Dumale 7, Dacalos 6, Cayacap 5, Labajo 5, Abalo 4, Nacario 4
EBE & Allyn (76) - Vernaiz 22, Reyes 14, Abasolo 14, Nuñez 10, Balbanera 8, Cabase 4, Moniva 3, Romares 1
Ikaduhang duwa:
Hero Commando (82) - Ibones 14, Genzon 12, Javierto 10, Abadejos 10, Rosal 10, Navares 8, Cabañero 6, Lalican 4, Nacional 4, Abarquez 4
Park ‘N Go (74) -- Arias 20, Layon 19, Rama 12, Dejarme 8, Ozon 6, Yosores 4, Echavez 3, Dimitiman 2
Ikatulong duwa:
UTASSCO (110) -- Yosores 42, Cabrera 21, Mercado 19, Mabalcon 10, Yu 8, Batac 8, Gabuya 2
Fag Machine (87) - Tabar 25, Mosqueda 18, Abasolo 17, Villoga 10, Kalinga 8, Ylaya 6, Ramil 3. – BANAT NEWS